分開了

剛知道一位好朋友和他三四年感情的女友分開了, 聽說是和平分手, 知道後有點唏噓。

我常想, 一對情侶假若其中一個不再愛對方, 分手是最好最好的結果, 不要拖泥帶水。但總要在聽到甚麼在和平下分手呀、為了解而分開呀那些, 大概心裡就浮起陣陣蒼涼的感覺, 始終兩位都是我的朋友, 從前一起打邊爐、唱K的日子短時間都不會重現了。

也好, 成熟點了結事情, 悲傷就會來得淡點。

趕功課...

哎也超慘呀~ 個多月來積存的功課必須在今個星期清理, 現在日以繼夜開工, 以為現返總廠可以空閒一點, 蛇一點時間出來做功課...可惜事與願違, 恰巧公司要行ISO AUDIT, 除了要整理好歷來三個地盤的文件, 還要幫副幫辦的忙, 要處理總櫃的文件櫃!!! 超慘呀~!!! 以家勁眼訓...

真係人都癲...

Yanzi!!!

五月五日晚上與好友去了亞洲搏覽館欣賞燕姿的LIVE音樂會。其實起初自已並沒有想過要去訂飛，一來是儲起的積分是用作換領頒獎典禮的，二來我五月十一日就要面試，這樣好像要乖一點在家裡較好。後來一次飯聚，朋友說起想去可是沒有足夠的分數換飛，我地講下講下，搞到我都心癢癢，由起初說換給他兩口子看變成了我和她去看，哈哈～

自己去之前已經有了心裡準備，燕姿的歌迷大概不會是太瘋狂的一班吧，這個音樂會大抵都是坐一晚聽好歌的；誰知到了中後段，大家可能已熱好身，都興奮起來，氣氛就變得好玩，雖然不及上一次在同一場館開ＳＨＯＷ的　ＡＴ１７，但也很令人抗奮。

燕姿是抱恙演出的，雖然歌聲一點都沒被影響，但歌與歌曲之間，她幾乎說不出話來，我真是第一次聽演唱會會想著＂不如你唔好唱啦...＂

 

最感動的，還是安歌的位置...真好，我又欣賞了一個難忘的演唱會！

又OT...

今日係正式調黎高超既第二日，己經要ｏｔ到七點．．．唉．．．都唔知係好定唔好．．

之前係寶雲，日日噩下噩下，唔覺唔覺又一日，好處係無乜野搞，唔好係真係好悶。

以家係高超，日日都趕工，老實講呀，有野做既日子係好過無野做既日子既，因為日日都會記住地盤明天有乜野搞，人都上進ｄ醒神ｄ啦，而且我地呢ｄ合約員工，ｄ假少得可憐，想儲多幾日假唯有勤力ｄ　ＯＴ．．加班呢家野，從來都無師兄會同你爭，因為佢地有大擺假，真係放都放唔晒呀，另外ｏｔ都無錢既，所以俾佢恨都唔恨．．

但係．．．鑊鑊都搞到七點先走得．．．真係天都黑埋，去到以家個心真係有ｄ沮喪．．．

不過唔緊要啦，辛苦一日又可以換黎半日假．．．諗落，都ｏｋ喎！

ＨＯＬＩＤＡＹ～～～

我好想放假呀~!!!

剛過去的一年合約中, 我只請了一日病假, 成功實現左我再一年前要自己實踐既事...就係唔再請咁多病假~

責任感同放假密度似乎係成反比的, 當你放假越多越密, 老細就唔太敢交低d野俾你做; 當你越唔多放假, 老細就會預計你係日日都會返工既勤力員工, 於是事無大小都打電話俾你, 例如係早過你返工既時間打俾你問野, 又或者係...有另一個同事無啦啦請左假, 於是就打俾你"鄧"腳。

其實自己都有d年假可以放既, 不過又無錢去旅行, 放假又無乜特別野搞...不過, 我鋪放假瘾又發作啦, 終於請左一日假, 決定乜都唔做, 唔較鬧鐘, 唔食早餐, 一訓醒就去踩單車, 洗下車, 放下狗咁...哇, 諗起都正呀~!!!

月球上的人

上個星期聽埋黃金少年season three既結局。聽到謝拉在發仔懷中離去的一幕, 我都不禁有d心酸...從未來再見  遺憾舊時不太會戀愛  願我永遠記不得我正身處現在...

無論點樣, 人始終都係改變唔到歷史, 但至少係謝拉人生最後既一段光陰都係發仔既陪伴下渡過...

 

 

月球上的人 - 陳奕迅

作曲: 蘇耀宗
填詞: 林若寧
編曲: 王菀之
主唱: 陳奕迅

無須要快樂 反正妳一早枯死
如果有眼淚 只不過生理分泌
就算淚水多得可灌溉整片濕地
蒲公英不會飛 陵墓裡伴妳於一起

如果有再會 恐怕已經一世紀
回憶哄騙我但凡失去也是美
共你一分鐘都足夠我生醉夢死
如懷念也是有它限期明日我便記不起

從未來再見 遺憾舊時不太會戀愛
願我永遠記不得我正身處現在
從月球觀看難辨地球相愛跟錯愛
三世書不會記載 情繫我這半生的最愛

時空太過大 超脫我的喜與悲
人戀愛過後自然參透到命理
就算一雙手 只擁抱妳的紀念碑
留離在某月某天某地仍自覺共妳一起

從未來再見 遺憾舊時不太會戀愛
願我永遠記不得我正身處現在
從月球觀看難辨地球相愛跟錯愛
三世書不會記載 誰為某某歎息感慨

再見 仍舊未能跟妳再戀愛
但妳與我有過的過去牽涉後代
從未來觀看 潛伏萬年的野史記載
不理它小愛與大愛 人類太過緲少的最愛