九號風球

突如其來的鸚鵡，令到各位都多了一日假（如果你星期六撞岩唔駛返，咁就係一連三日假啦！）

而我...係鸚鵡襲港的那天早上...仍然換好衣服準備上班...並唔係我咁神心要返工....而係因為...我被人"扇"左一鑊!!!

話說前一晚我地幾個知道鸚鵡來勢兇兇, 於是紛紛組織風球活動班(你話打風除左打去天文台, 仲可以打咩??) 係早一晚已經開戰至夜深。但天文台遲遲都未改掛八號, 於是我便提早上床睡覺, 預備明天有機會要返的半晝工作。

第二天早上, 我矇矓間問我其中一個"朋友"：「喂係咪仲係三號呀?」當時佢已經預備好要出門"上班", 答案當然是肯定的...於是我便梳洗換衫, 忙忙忙直到我要穿鞋子的一刻, 我忽然清醒過來...窗外的樹梢擺動不停, 沒理由不會升風球呀??! 於是我默默地打開電視機, 沒錯, 左上角的資料小窗的確是三號, 可是16:9闊屏的右手面卻顯示著幾個大字：「天文台將於八時前改掛八號烈風信號」!!!! 我心裡(口裡也是)冒出了一個字...

 

 

 

 

 

 

 

頂!!!!!