假放多了, 心就野起來。
之前因為忽然可以騰出時間去參加"家族宿營", 請了一天假加兩小時早走, 山長水遠去左塘福宿營。大概是由於4E返左嚟, 再加上公公的事, 這些星期都是和阿姨表姐聚在一起, 自己有空閒都會找找他們, 今次去到CAMP, 大概都是因為感受到難得一家人有機會聚在一起, 甚麼都不用想, 只是開開心心地去無無聊聊咁HEA下, 都幾好
在回程的途上, 我知道4E上機那天可能沒有車送她到機場, 於是我問4E, "4E, 你走嗰日駛唔駛我黎車你呀? 其實我心裡面係想送機的, 但因為唔想用咁多假, 加上佢走嗰日地盤係安排左有野做的, 所以我查實係有點搏大細既心情
不過都好, 因為第二日返工, 師兄原來提早左當日灌漿, 真好, 我便很順利地請了假~
現在問題來了;
1. 家陣無乜假...
2. 假放多左, 無假都仲想放假...
3. 之前日日有時間都問下表姐阿姨得唔得閒...家陣4E走左, 都忍唔到手打電話畀佢地... 勁婆媽~
4. 無錢
算吧啦~
焗豬扒飯 (2-3人用)
材料
豬扒4塊
洋蔥1個
蕃茄1個
白飯2碗
雞蛋3隻
麵粉50克
油4湯匙
汁料
茄汁4湯匙
美極2茶匙
喼汁1茶匙
砂糖1湯匙
清水2湯匙
鹽1/4茶匙
美國辣椒汁數滴
做法
1. 炒飯底
1.1 打散雞蛋成蛋液，加1/4茶匙鹽拌勻
1.2 中大火燒熱平底鍋，加2湯匙油,注蛋液入鍋中炒至七成熟，再加入白飯， 與盛於烤盤或任何耐熱的盤子中
2. 煎豬扒
2.1 將豬扒沖淨後抹乾，用刀將豬扒肉兩面拍鬆。用粉、糖、豉油、油調味，即可沾上麵粉及用中火加2湯匙油將豬扒煎熟
2.2 煎好豬扒後取出，切成 兩公分 闊條，排放在炒飯上
3. 蕃茄汁
3.1 洋蔥切成幼條，蕃茄切開八件
3.2 用油將洋蔥及蕃茄炒約一分鐘，然後將拌勻的汁料注入，燒沸後，淋在豬扒飯上。
4. 焗豬扒飯
放入已預熱190C的焗爐內，焗10-15分鐘即可供食。
五月五日晚上與好友去了亞洲搏覽館欣賞燕姿的LIVE音樂會。其實起初自已並沒有想過要去訂飛，一來是儲起的積分是用作換領頒獎典禮的，二來我五月十一日就要面試，這樣好像要乖一點在家裡較好。後來一次飯聚，朋友說起想去可是沒有足夠的分數換飛，我地講下講下，搞到我都心癢癢，由起初說換給他兩口子看變成了我和她去看，哈哈～
自己去之前已經有了心裡準備，燕姿的歌迷大概不會是太瘋狂的一班吧，這個音樂會大抵都是坐一晚聽好歌的；誰知到了中後段，大家可能已熱好身，都興奮起來，氣氛就變得好玩，雖然不及上一次在同一場館開ＳＨＯＷ的 ＡＴ１７，但也很令人抗奮。
燕姿是抱恙演出的，雖然歌聲一點都沒被影響，但歌與歌曲之間，她幾乎說不出話來，我真是第一次聽演唱會會想著＂不如你唔好唱啦...＂
最感動的，還是安歌的位置...真好，我又欣賞了一個難忘的演唱會！
今日係正式調黎高超既第二日，己經要ｏｔ到七點．．．唉．．．都唔知係好定唔好．．
之前係寶雲，日日噩下噩下，唔覺唔覺又一日，好處係無乜野搞，唔好係真係好悶。
以家係高超，日日都趕工，老實講呀，有野做既日子係好過無野做既日子既，因為日日都會記住地盤明天有乜野搞，人都上進ｄ醒神ｄ啦，而且我地呢ｄ合約員工，ｄ假少得可憐，想儲多幾日假唯有勤力ｄ ＯＴ．．加班呢家野，從來都無師兄會同你爭，因為佢地有大擺假，真係放都放唔晒呀，另外ｏｔ都無錢既，所以俾佢恨都唔恨．．
但係．．．鑊鑊都搞到七點先走得．．．真係天都黑埋，去到以家個心真係有ｄ沮喪
不過唔緊要啦，辛苦一日又可以換黎半日假．．．諗落，都ｏｋ喎！
。
。
